"Kedkarê doza azadîya Kurdistanê, sîyasetmedar û helbestvanê welatperwerê Kurd, Seydayê Melle İmadettîn Yetîz(Seydayê Gurdilî) îro êvarê (02.12.2020) ji ber nexweşîya Covid-19yê çû ber dilovanîya xwedê. Seydayê Melle İmadettîn Yetîz nêzîkî 30 rojî ye ku li nexweşxaneya Êlihê tedawîya Covîd-19yê didît.
Seydayê Melle İmadettîn Yetîz eve 60 sale wek rewşenbîr,sîyasetmedar û helbestvanekî, dilsoz ê welatperwer di doza azadîya Kurd û Kurdistanê de xwedîyê ked û roleke hêja bû.
Seydayê Melle İmadettîn Yetîz, bi helwest û fikirên xwe, bi helbest û têkoşîna xwe her avakar û dilxwazê tifaq û hevkarîyên netewî, niştimanî bû.
Em bi wefata Seydayê Melle İmadettîn Yetîz gelekî xemgînin.
Xwedê bi rehma xwe şad bike. Cîhê wî biheşt be.
Ez li ser navê xwe û li ser navê hemû rêvebir û endamên PAKê sersaxîyê ji hemû malbat û heval û hogir û hezkirîyên seydayê Melle İmadettîn Yetîz re dixwazim. Serê gelê Kurdistanê sax be."
02.12.2020
Mustafa Özçelik
Serokê Giştî yê PAKê