Navenda Nûçeyan- Serokê Giştî yê PAKê Mustafa Özçelik di êvarê 12.10.2019an de bi seeta Hewlêr û Amedê di seet:21.00ê de li Stodyoya Hewlêrê di bernameya zindî ya Kurdistan24 TVyê de bû mêvanê Cemal Batun.
Di bernameyê de Ozçelîkî ewil sipasî li serok Barzanî kir ku di peyama xwe de gotibû “xwîna Kurdan ji çekan û pere binirxtir e.” Ozçelîkî got “em piştgirîya vê peyamê dikin” û bangî hemû alîyên Kurdan kir kul i hemberî êrîşan bibin dengek.
Hevpeyvîna Ozçelikî ya li gel Cemal Batun nêzîkî çil û pênc deqîqeyan dewam kir û Ozçelîk di axaftina xwe de rewşa partîyên Rojavayê Kurdistanê, sekinîna dewletên cihanê û bêdengîya bakurê Kurdistanê sekini. Ozçelîk got: “Divê Kurd bi rêvebirîya serok Mesûd Barzanî merheleyeke nû ava bikin. Bi serokatîya rêzdar Barzanî komîteyeke hevbeş amade bikin û em bi temamî cihanê denge xwe bilind bikin, bejin bes e bila ev şer raweste.”
Ji bo temaşekirina temamî hevpeyvîne li vê lînkê bitiqînin