Serok Mesûd Barzanî, Cejna Serê Selê ya Kurdên Êzidî pîroz kir.
Serok Mesûd Barzanî bi wesîleya hatina Cejna Serê Salê peyameke pîrozbahiyê belav kir.
“Em di xweşî û nexweşiyan de şirîk in”
Serok Barzanî amaje bi wê yekê kir ku Êzidî beşeke resên a gelê Kurdistanê ne û wiha got:
“Bi wesîleya hatina Cejna Sersala Êzidiyan, pîrozbahiyên xwe yên herî germ pêşkêşî hemû xwişk û birayên Êzidî yên li Kurdistan û cîhanê dikim û hêviya bextewerî û kêfxweşiyê ji bo wan dixwazim.
Xwişk û birayên Êzidî beşeka resen a gelê Kurdistanê ne û di xweşî û serkeftin û azar û nexweşiyan de em hemû şirîk in.
“Divê ev çanda dewlemend bê parastin”
Divê xwişk û birayên Êzidî bi serbestî û azadî vegerin cih û warên xwe û dawî li koçberî û wan êṣan were ku nehezên gelê Kurdistanê li ser wan ferz kirine.
Kurdistan welatê bihevrejiyanê ye û divê ev çanda dewlemend bê parastin.
Hêvîdar im hemû cejn û helkeftên we bi aştî û dilxweşiyê de derbas bibin, bimînin di xêr û xweşiyê de.”
Her sal li perestgeha Lalişê Cejna Serê Salê tê pîrozkirin û bi hezaran Kurdên Êzidî beşdarî pîrozbahiyê dibin.
Di pîrozbahiyan de çalakiyên cûr bi cûr tên lidarxistin.