Navenda Nûçeyan- Senatorê Komarîyên Amerîkayê Lindsey Graham û senatorê Demokratan Chris Van Hollen nameyek ji Wezîrê Derve yê Amerîkayê Mike Pompeo re şandine û di nameya xwe de behsa wê yekê kirine ku ji ber kirîna sîstema berevanîya asmanî ya S-400an, divê Tirkîye bê cezakirin.
Di wê nameyê de hatîye destnîşankirin ku eger Amerîka weke pêwîst Tirkîyê ceza neke, dê ev yek bibe sedem ku welatên din jî yasayan binpê bikin û ji cezayan netirsin.
Lindsey Graham û Chris Van Hollen di nameya xwe ya ji bo Mike Pompeo de dîyar jî kirine ku êdî dema sebrê bidawî bûye û divê rêveberîya Turump yasayên xwe bicîh bike ku ew jî cezakirina Tirkîyê ye.