Navenda Nûçeyan- Serokê fermangeha pêwendîyên derve ya Kurdistanê, Sefîn Dizeyî li ser serdana cîgirê wezîrê derve yê Rûsya, Mîxaîl Bogdanov bo Herêma Kurdistanê û hevdîtina wî bi berpirsên Kurdistanê re, ji BasNewsê re got, Rûsya Herêma Kurdistanê mîna lîstikvanekê dibîne di sîyaseta navdewletî de. Ji ber wê jî girîngîyê dide nêrîna me ya sîyasî. Di vê çarçoveyê de Mîxaîl Bogdanov hat Kurdistanê û bi Serok Barzanî, Serokê Herêma Kurdistanê, Serokwezîrê Herêma Kurdistanê û berpirsên din re hevdîtin kir.
Sefîn Dizeyî her wiha got, Herêma Kurdistanê hewl dide pêwendîyên xwe bi Rûsyayê re di hemû waran de pêş bixe û sûdê ji ezmûna Rûsyayê werbigire.
Basnews