Navenda Nûçeyan- Pêştir Parlemana Iraqê û piştî kuştina Fermandarê Feyleqa Qudisê ya ser bi Pasdarên Îranê ve Qasim Suleymanî, biryar derkirina hêzên Amerîkî ji Iraqê pesend kiribû.
Biryar e, sibe 23ê vê mehê xwepêşandana milyonî li dijî hebûna hêzên Amerîkî li Iraqê, li Bexdayê bê kirin.
Berî du rojan Muqteda Sedir di twîttekê de daxwaz ji xelkê kiribû, beşdarî vê xwepêşandanê bibin û nivîsîbû: “Xwe pêşan bidin, welatê me ne cihê bîyanî ye.”
Peyvdarê fermî yê Muqteda Sedir Selah Ubeydî rgihand, sibe xwepêşandana milyonî li çarêya Zanîngeha Bexdayê li navçeya Çadirîye tê kirin, ji bo bandor li ser xwepêşandanên xelkê nebe.
Ji alîyekî din ve, xwepêşanderên Iraqê di daxuyanîyekê xwepêşandana Muqteda Sedir a li dijî hebûna hêzên Amerîkî red kirin.
Xwepêşanderan di daxuyanîyê de gotin: “Daxwaza ji nava xaka Îranê ve li dijî Washingtonê tê kirin, sîyasî ye û nakeve doza Iraqê”.
K24