Navenda Nûçeyan - Li gor zanyarîyên çapemenîyê ew mûşek derengê şeva borî 17.06.2020ê li navçeya Kesk a Bexdayê nêzîk balyozxaneya Amerîkayê ketin.
Çavkanîyên nûçeyan behsa bûyera sê teqînan nêzîk balyozxaneya Amerîkayê dikin ku di encama ketina sê mûşekan de pêkhatine.
Heta naha ti alîyekî berpirsyartîya xwe ya di vê êrîşa mûşekî de ranegehandîye, ku 5.mîn êrîşa mûşekî ye di wan 10 rojan de li ser berjewendîyên Amerîkayê pêktê.