Sê kolber bi guleyên hêzên ewlehiya Îranê birîndar bûn

Sê kolberên xelkê Rojhilatê Kurdistanê bi guleyên rasterast ên hêzên ewlehiya Îranê li sînorê Newsûd a Rojhilatê Kurdistanê hatin birîndarkirin.

Li gor zanyariyan di wan 2 rojên borî de 3 kolberên bi navên Cemal Qadrî, Hebîb Şîrî û Burhan Weysî bi guleyên rasterast ên hêzên ewlehiya Îranê li sînorê Newsûd a ser bi parêzgeha Kirmaşanê hatin birîndarkirin.

Ew kolberane bi armanca çareseriya bijîşkî ji bo nexwaşxaneya Pawe hatin veguhestin.

Ji destpêka sala nû ya kurdî ango piştî Newrozê heta naha nêzîkî 40 kolber li sînorên Rojhilatê Kurdistanê hatine şehîd û birîndarkirin.