Îro Sêşemê şandeke dîplomatîk a Siwêdî digihe Rojavayê Kurdistanê û ligel Desteya Peywendiyên Derve dicive.
Peyamnêrê Tora Medyayî ya Rûdawê ragihand ku biryar e îro, roja Sêşemê şandeke Wezareta Derve ya Siwêdê serdana Rojavayê Kurdistanê bike.
Li gor zanyariyên berdest, Berpirsê Dosyeya Sûriyê li Wezareta Derve ya Siwêdê serokatiya şandê dike.
Şand dê îro saet 12 ligel Serokê Desteya Peywendiyên Derve ya Rêveberiya Xweser Ebdulkerîm Omer bicive.
Herwiha tê pêşbînîkirin ku şand hinek hevdîtinan ligel aliyên siyasî û rêxistinan pêk bîne. Şanda Siwêdî dê 2 rojan li Rojavayê Kurdistan û bakurê Sûriyê bimîne.