Navenda Nûçeyan - Endamê wê şandê Şêwirmendê Rêveberîya Xweser Bedran Çîya Kurd ji Rûdawê re ragihand, ku hîn jî ligel berpirsên hikûmetê ti lihevkirinek çê nebûye, lê li ser pirsên cuda, danûstandin kirin û ew dixwazin atmosfereke baş were avakirin ji bo danûstandineke cidî û fermî ligel Şamê.
Bedran Çîya Kurd tekez kir, ku danûstandin baş birêve diçin û ew hêvî dikin encamên baş jê derkevin ku xizmeta xelkê navçeyê bikin.
Şanda ku serdana Şamê kir ji Hevseroka Desteya Cîbicîkar a MSDê Îlham Ehmed, Şêwirmendê Rêveberîya Xweser Bedran Çîya Kurd,û endamê polîtburoya Partîya Demokrata Pêşverû ya Kurd li Sûrîyê, Ehmed Silêman pêk hatibû.
Ev şand berî 3 rojan li Himîmîm bû û ligel berpirsên rûs jî civîya bû.
Berî demekê, hikûmeta Sûrîyê daxwaz ji alîyên Rojavayê Kurdistanê kiribû, ku serdana Şamê bikin.