Navenda Nûçeyan- Parlementerê kurd û endamê komîsyona darayî ya parlementoya Iraqê, Ehmed Sefar ji malpera fermî ya PDKê re behsa rêkeftina navbera Hewlêr û Bexdayê li ser mûçe û bûdceya Kurdistanê kirîye û gotîye, Hewlêr û Bexda li ser pişka bûdceya Kurdistanê li hev kirine û pirojeqanûna bûdceya sala 2020 ya Iraqê dê îro (5 Kanûnê) yan jî destpêka hefteya bê pêşkêşî parlementoya Iraqê bê kirin.
Ehmed Sefar her wiha gotîye, ji bona ku rêkeftina han mîna xwe were bicîhanîn, divê ji bilî wê rêkeftina qanûnî rêkeftinek sîyasî jî bê kirin. Çimkî divê firaksîyon û tifaqên sîyasî û parlementoyê jî rêkeftinê qebûl bikin û jê razî bin da ku di dema dengdanê de pirsgirêk dernekeve.
Bi gotina wî parlementerê kurd, bo rêkeftina sîyasî şandeka sîyasî ya Herêma Kurdistanê dê serdana Bexdayê bike û bi firaksîyon û tifaqên sîyasî yên Iraqê re hevdîtin bike.
Çavkanî: Basnews