Navenda Nûçeyan- Nûnerê taybet yê serokê Rûsya di karûbarên Sûrîyê de, Aleksander Lavrentyev di civîneka rojnamevanîyê de ragihand, Rûsya erkên ku di çarçoveya rêkeftina Soçî de ketine ser milê wî welatî, bicîh tîne.
Lavrentyev her wiha da xuyakirin, divê “herêma aram” vi şeklê xwe yê niha were parastin û got, Rûsya razî nîne ew herêm ji alîyê Tirkîyê ve were firehkirin ji ber ku firehkirina wê herêmê ti sûca wê bo alîyan nîne.
Wî berpirsê hikûmeta Mosko behsa hebûna hinek şer û pevçûnan jî li deverê kir û ragihand, lê Rûsyayê karîye bi giştî rewşê kontrol bike ev jî tiştekî baş e.
Berpirsên Tirkîyê ev çend car in gefa wê yekê dixwin dê “herêma aram”, ku ji bajarên Girê Spî û Serê Kanîyê yên Rojavayê Kurdistanê pêk tê, firehtir bikin.