Navenda Nûçeyan - Şer û pevçûn di navbera hêzên Tirkîyê û rêjîma Sûrîyê de bi piştevanîya Rûsyayê didome. Şer roj bi roj germtir dibe û pêwendîyên Tirkîye û Rûsyayê jî roj bi roj zêdetir dikevin metirsîyê.
Rojnameyeka Rûsî bi navê Komsomolskaya Pravda di raportekê de behsa encamên xirabûna pêwendîyên Tirkîye û Rûsyayê kirîye.
Di raporta wê rojnameya Rûsî de hatîye gotin, xirabtirîn senaryo ew e ku pêwendîyên Tirkîye û Rûsyayê ji ber xatirê Sûrîyê xirab bibin û bi yekcarî qut bibin.
Li gorî pêşbînîyên rojnameya han, di vê rewşê de Rûsya ji ber NATOyê nikare êrişî Tirkîyê bike lê dikare di warên aborî û sîyasî de Tirkîyê tengav bike.
Li gorî şiroveya rojnameyê, Rûsya dê “karta kurd” li hember Tirkîyê bikar bîne, her wiha di warê aborî de jî zîyanên mezin bigihîne Tirkîyê bi taybet di warê tûrîzm û çandinîyê de.