Navenda Nûçeyan- Rêxistina navdewletî ya Amnesty International li ser rewşa girtîya kurd Zara Mihemedî nameyek ji dadwerê bajarê Sine yê Rojhilatê Kurdistanê Mihemed Cebarî re şanda û daxwaz kir, Zara Mihemedî demildest were berdan.
Di nameya Amnesty International de hatîye gotin ku Zara Mihemedî tenê aktîvîsteka sivîl e û ti pêwendîya wê rêxistinên neyarên Îranê ve nîne, ji ber wê jî divê demildest were berdan.
Aktîvîsta kurd Zara Mihemedî roja 23 Gulana îsal, bi tohmeta wê yekê ku pêwendiya wê bi rêxistinên neyarên Îranê ve heye, hatibû girtin.
Zara Mihemed endama dezgeha sivîl ya Nûjîn e ku li gundan digerin û çalakîyên kulturî û zimanî dikin.