Rêveberiya Xweser a Rojavayê Kurdistanê ragihand ku hejmara koçberên ji ber şerê Îsraîlê ji Lubnanê vegeriyane herêmê gihîştiye 11 hezar û 814 kesan.
Hate ragihandin ku koçberên li Lubnanê bi rêya deriyê Tebqa û Ebû Kehef (El Tayhe) yê kantona Minbicê derbasî herêmê bûne.
Nûnertiya Rêveberiya Xweseriya Demokratîk a Lubnanê 24ê Îlonê ji bo şopandina kar û barên penaberên sûriyeyî yên ji herêmên Bakur û Rojhilatê Sûriyeyê, komîteyek ava kiribû.
Heta niha bi rêya deriyê Tebqayê 5 hezar û 439 kes derbasî herêmê bûne. Di nava wan de 23 lubnanî hene û 8 cenaze jî hatine.
Bi rêya deriyê Ebû Kehef ê kantona Minbicê jî 6 hezar û 375 sûriyeyî û 5 lubnanî, her wiha 3 cenaze derbasî herêmê bûne.
Hate ragihandin ku Desteya Tenduristiyê ya Tebqayê ji bo şopandina rewşa penaberan û birîndaran bi kordîneya Heyva Sor a Kurd xaleke tenduristiyê li deriyê Tebqayê vekiriye.