Hêzn hov ên întizamî yên rêjîma Îranê li başûrê parêzgeha Xurasanê de, bê huşdarîdan û agehdarkirina berê û bi awayê rasterast teqe li maşîna 2 ciwanên Belûç kirin û ew kuştin.
Pêka rapora” Kempêyna Çalakavanên Belûç” roja Pêncşemî 20ê Befranbarê, hêzên întizamî yên rêjîma Îranê li nêzî xala vekolîn a “Sehlabad”ê ser bi bajarê “Nehbendanê” li başûrê Xurasanê, bê ti huşdarîdan û agehdarkirina berê, teqe li maşîna hevwelatiyekî Belûç kirine ku li encam de 2 kesên li vê maşînê de demûdest hatine kuştin.
Pêka vê raporê “Emîr Mehmûdî”(Sinciranî) temen 30 salî kurê “Mensûr” û herwisa “Husên Saranîrad” ê temen 30 salî kurê “Seyîdxan”, ên xelkê gundê “Sehlabad”ê ser bi devera “Şosêf” a bajarê Nehbendanê ser bi parêzgeha Xurasanê, bi gulleyên şer, hatine kuştin
Pêka vê raporê li sala 2024 a Zayînî de 122 hevwelatiyên Belûç ji aliyê hêzên leşkerî û spaha pasdaran a terorîst ve li sînorên Belûçistanê de hatine kuştin û zêdetir ji 114 kes jî birîndar bûne ku ji vê amarê 8 jin û 14 zarok hatine kuştin û 7 jin û 8 zarok jî hatine birîndarkirin û herwisa li vê heyamê de 8 kes ên xelkê Efxanistanê jî hatine kuştin û zêdetir ji 16 kes jî birîndar bûne.