Navenda Nûçeyan- Cîgirê serokê hikûmeta Kurdistanê di karûbarên darayî de, Rêbaz Hemlan ji televîzyona K24 re gotîye, çend rojên din Hewlêr û Bexda dê rêkeftinek nû li ser mûçe û bûdceya Kurdistanê îmze bikin.
Rêbaz Hemlan daye zanîn, bi wê rêkeftinê mûçeyê karmendên Kurdistanê dê misoger bibe.
Nûnerê hikûmeta Kurdistanê li Bexdayê, Faris Îsa jî ji BasNewsê re gotibû, ji destpêka sala nû de Herêma Kurdistanê dê rojane 250 hezar bermîl petrol bide Bexdayê, Bexda jî dê mehane tirîlyonek dînar bide Hewlêrê.
Faris Îsa her wiha gotibû, roja 1 Kanûna îsal dê şandeka Kurdistanê here Bexdayê û beşdarî nivîsandina reşnivîsa bûdceya sala 2020 ya Iraqê bibe.
Çavkanî: Basnews