Li gor rapirsiya Lêkolîna Areayê ku li hejmareke bajarên Tirkiye û Bakurê Kurdistanê pêk aniye, dengên Tifaqa Cumhur %9 daketine û dengên Tifaqa Millet %7 zêde bûne.
Lêkolîna Area, encamên lêkolîna li bajarên Stanbol, Tekirdag, Îzmîr, Bursa, Enqere, Edene, Kayserî, Samsun, Trabzon, Erzerom, Meletî û Amedê bi beşdariya 2 hezar kesan kiribû eşkere kir.
Di rapirsiyê de ji beşdaran, “Eger îro hilbijarinên parlamentoyê bên kirin, hûn ê dengê xwe bidin kîjan partiyê?” hat pirsîn.
Li gor bersivan piştî rêjeya kesên bêbiryar li ser dengan hatin belavkirin, encam wiha derketin:
AKP: %30.5
CHP: %27.2
ÎYÎ Partî: %15.8
HDP: %10
MHP: %9
Partiya DEVA: %4
Ên din: %3.5
Dîsa li gor encaman, %70yî xelkê siyaseta hikûmetê ya aboriyê serkeftî nabînin û %55 jî sîstema hikûmeta serokkomariyê jî serkeftî nabînin.