Partiya Welatparêzên Kurdistanê (PWK) derbarê cezakirina Serokê Komeleya Şopdarên Pêşengên Kurd Alî Çeven daxuyaniyek da.
PWKê di daxuyaniya xwe de ev ceza wek "berhema hişmendî û siyaseta dijayetiya miletê Kurd" binav kir û xwest ku ev doz û ceza ji holê rabe.
Daxuyaniya PWKê wiha ye:
Em cezaya ku li Alî Çeven hatîye birîn şermezar dikin
Serokê Komeleya Şopdarên Pêşengên Kurd Alî Çeven di roportajeke ku di kolanê de pê re hatibû kirin de gotibû “Ez ne Tirk im” û paşê bûbû hedefa êriş û tehdîdan.
Alî Çeven piştî wê roportajê bi hinceta “propagandaya rêxistina çekdar a terorê kiriye” hatibû girtin.
Doza Alî Çeven li Dadgeha 20emîn a Ceza ya Bingehîn a Buyukçekmeyê hat dîtin.
Tevî ku dozger daxwaza beraetê wî kir jî dadgehê daxwaza dozger ya beraetê red kir û 3 sal cezayê girtîgehê li Alî Çeven birî.
Cezaya ku li Alî Çeven hatîye birîn, berhema hişmendî û sîyaseta dijayetîya miletê Kurd e.
Em cezaya ku li Alî Çeven hatîye birîn şermezar dikin.
Divê ev doz û cezaya ku hatîye birîn ji hole rabe.
29.01.2025
Buroya Ragehandinê ya Partîya Welatparêzên Kurdistanê (PWK)