Navenda Nûçeyan- Serokê Rûsyayê Vladimir Putin li bajarê Nalçik ê wî welatî beşdarî, ‘Konseya Peywendîyên Di Navbera Grûpên Etnîk’ de bû.
Vladimir Putin derbarê peywendîyên Rûsya û Kurdan de got ku her tim, “peywendîyên me yên baş û dîrokî li gel Kurdan hebûne” û dîyar kir, “Ji xwe ew tişta ku li niha li sînorê Tirkîye û Sûrîyê hatîye bidestxistin bi piştevanîya wan û li gor berjewendîya wan birêve diçe.Vê yekê têdigihijin û ji dil nêzîk dibin.”
Serokê Rûsyayê got jî, “Li navçeyên Kurdî polîsê me yê leşkerî gelek baş tê pêşwazîkirin. Ji ber ku xelk dibîne artêşa Rûs ji bo parastina wan diçe û têdigihijin. Ev rastîyek e zelal e.”
Putin herwiha got ku ne muhîm e bê ka kî çi dibêje û got, “Lê ew têdigihijin ku ew ne peywndîdar in bi helwesta dezgehên fermî.”
Ev daxuyanîyên Putin di demekê de ku piştî vekişîna serbazên Amerîkayê û herwiha destpêkirina êrişa Tirkîyê bo ser Rojava, hêzên Rûsî li piranîya bajar û bajarokên Rojavayê Kurdistanê taybet jî li deverên sînorî belav bûne.