Li Fransayê, Wezîrê Derve yê Amerîkayê Mike Pompeo daxwaz kir, Amerîka û Ewropa ji bo rêgirtina karên Tirkiyê li Rojhilata Navîn, bi hev re zêdetir bixebitin.
Li gor rojnameya Fransî Le Figaro, Mike Pompeo da zanîn: “Ez û Serokê Fransayê li ser tundrewiya tevgerên Tirkiyê de, di heman nêrînê de ne.”
Pompeo destnîşan kir, Tirkiyê piştgiriya Azerbaycanê kir, da ku di şerê Qerebaxê de bi ser bikeve.
Herwiha Wezîrê Derve yê Amerîkayê Mike Pompeo, tevgerên Tirkiyê yên li Lîbya û Deryaya Spî şermezar kir û bi tundî ew êrîş red kir.