Platforma Demokrasiyê ya Batmanê, bo Oyku Arîna sisê û nîv salî ku ji meha Berfambara par ve li dijî losemiyê têdikoşe, kampanyaya bexşandina mêjiya hestiyê da destpêkirin. Endamên Platformê bi armanca ku bibin donorên guncav, xwîn bexşandin.
Şaxa Batmanê ya Egitim-Senê ku yek ji pêkhateyên Paltforma Demokrasiyê ye li ser hesaba xwe ya teîtterê ragihand wan weke Platforma Demokrasiyê ya Batmanê, bo Oyku Arîn û hemû nexweşên Losemiyê, xwîn bexşandine û bangî tevahiya mirovan kir û got: "Hêvî her heye. Tu jî dikarî bibî hêviyek."