Navenda Nûçeyan- Îro 26.11.2019ê serokê herêma Kurdistanê Nêçîrvan Barzanî di yekem serdana xwe ya wek serokê herêma Kurdistanê li Silêmanîyê, li gel rêveberîya Tevgera Gorran civîya û endamekî xaneya raperandina Tevgea Gorran jî dibêje, civîna me li gel serokê herêmê baş bû û çend pirsek hatin guftûgo kirin.
Endamê Xaneya Raperandina Tevgera Gorran Şemal Ebdulwefa di civîneke çapemenîyê de ragehand: ‘’Civîna şandeya serokatîya herêma Kurdistanê li gel rêveberîya Tevgera Gorran civînek baş bû û behsa asayî kirina peyvendîyên navbera partî û alîyên sîyasî û aştîya nav mala kurd hate kirin.
Herwaha got: ‘’Tevgera Gorran helwêstê wê aşkera bû, berê me li gel serokatîya herêmê çend rûniştin pêkanîn. Li gor me ya baş hemû partî di bin sîvana serokatîya herêmê de kom bibin û em hemû li ser asta bûyeran de yek helwêst bin.’’
Şemal Ebdulwefa got: ‘’Di beşeke din ên civîna me de behsa şandina neft û mûçeyê fermanberên herêma Kurdistanê hate kirin, em hêvîdarin alîyên sîyasî li gel yek vê qonaxa hestyar derbas bikin û pirsgirêkan çareser bikin.’’
Çavkanî: Basnews