Navenda Nûçeyan- Alîkarê Şêwirmendê karên Idarî û Firotinê yê Pentagonê Ellen Lord ragihand, ji bo ku Tirkîye sîstema mûşekî ya Rûsî S-400 nekire, wan gelek hewlên mezin dan. Lê Tirkîyê guh neda Washingtonê û S-400 anîn Tirkîyê.
Got jî, wan berê ji rayadarên Tirkîyê re gotibûn, sîstema F-35 û S-400 bi hev re nagunce.
Lord da zanîn: Ew niha karê xwe yên çêkirina perçeyên F-35 li Tirkîyê berdewam dikin. Lê ew kar dikin ku çêkirina perçeyan heta meha Adara bê, bibin Amerîka.
Di derbarê 4 firokeyên F-35 yên dane Tirkîyê de jî dîyar kir, ew firoke li Amerîka ne û wan bi rayadrên Tirkîyê re li ser van 4 firokeyan, çi gotûbêj nekirine.
Piştî ku di meha Tîrmehê de mûşekên S-400 ji Rûsyayê bo Tirkîyê hatin veguhestin, Amerîka Tirkîye ji bernameya hilberîna frokeyên F-35 de derxistibû û û Washîngtonê biryar dabû ku gemaroyên giran li ser Tirkîyê karîger bike.
K24