Navenda Nûçeyan- Piştî ku hikûmeta Îranê berîya 3 rojan ji nişka ve buhayê benzînê 3 qat zêde kir, xwepêşandanên nerazîbûnê li gelek bajarên Îranê û Rojhilatê Kurdistanê dest pê kirin, ku heta niha jî berdewam in.
17ê Mijdarê, Berpirsê Giştî yê PDKÎ Mistefa Hicîr têkidlarî bûyerên wan rojên dawîyê yên li Rojhilatê Kurdistanê û Îranê peyamek belav kir û têde piştevanîya xwe bo xwepêşandanên aştîyane nîşan da.
Mistefa Hîcrî dibêje: “Dengê we yê bilind ê bêzarîya we ji rejîma dijî gel a komara îslamî ku hawarekî heqxwazîyê ye, tevlî dengê xelkê bi hêrs ê Îranê, bûye sernûçeya hemû cîhanê.”
Mistefa Hîcrî dîyar kirîye: “Tevî ku guhê desthilatdarên rejîmê di heyama 40 salên bihorî de li hember daxwazîyê we kerr bûye û di gotinên wan de xuya dibe ku heta niha jî dengê we nebihîstine, tevî wê yekê bi yekrêzî û yekdengîya jin û zilaman, bi tevahîya qadên civakê mil bi mile hev li ser grev û meşên xwe berdewam bin û daxwazîyên xwe biqîrênin.”
Hîcrî daxwazê ji xwepêşanderan dike ku xwe ji tundûtîjîyê bi dûr bigrin û bi aştîyane xwepêşandanê bikin û tekez dike: "Tikaye di vê berxwedanê de, xwe ji tundûtîjîyê biparêzin û bi awayekî aştîyane xebatê bikin, heta ku rejîm ti behaneyeke nebe bo serkotkirinê û zorê bikar nehîne."
Berpirsê Giştê yê PDKÎ sersaxîyê ji malbatên “Şehîdên xwepêşanderan” dike û hêvîya başbûnê bo birîndaran dixwaze û radigihîne: “Hemû xelkê cîhanê piştevanîya we dike, dengê me li gel dengê we û dilê me li gel we ye.”
Çavkanî: Rûdaw