Navenda Nûçeyan- Endamê encûmena rêveberîya PDKê Dr. Aras Heso ji BasNewsê re ragehand: ‘’Bi armanca amadekarîya bo pêkanîna kongreya 14.mîn a PDKê, lijneyek bilind a 7 kesî ku 4 kes ji wan endamên politburoyê ne û 3 kes jî endamên rêveberîya PDKê ne. Ew lijneye heftîya bê dest bi karên xwe dike û destpêkê jî nêrîn, proje û pêşneyarên organên PDKê dê wergirin.’’
Herwaha got: ‘’Lijne dê biryarê li ser dema pêkanîna kongreyê û çawanîya pêşkeş kirina pêşneyaran dê bide û gelek lijneyên jêrîn jî dê bê pêkanîn, ji bo ku nêrîna hemû endamên PDKê vergire û dibe kom kirina proje û pêşneyaran du meh dem bigre.’’
Wî endamê rêveberîya PDKê got: ‘’Lijne biryarê dide ka dê guhertin çawa û çi ne û ev yek jî li ser pêşneyarên mekteb û baskan dibe. Lê bi piştrastî ve guhertin dê heykelê rêxistinê, organ û rêveberîya PDKê de pêkbên.’’
Basnews