Hêzên Deryayî yên Pasdarên Îranê ragihand, wan keştiyeke barhilgir a Îsraîlê li Kendavê desteser kiriye.
Ajansa “IRNA” ya Îranê ragihand, hêzên deryayî yên Pasdarên Îranê di operasyonekê bi helîkopterê de, keştiya barhilgir a MSC Ariz a bi ala Portugalê li nêzî Tengava Hurmuzê desteser kir.
Da zanîn jî, ew keştî ser bi kompanyaya Zodiac Maritime ve ye, ku xwediyê wê sermayederê Îsraîlî Eyal Ofer e.
Ajansê diyar kir ku keştî hatiye desteserkirin û ew ber bi peravên Îranê ve hatiye veguhestin.
Ev bûyer di demekê de tê, piştî armanckirina avahiyekê li tenişt Konsulxaneya Îranê li Şamê û ku tê de 7 endamên Pasdarên Îranê hatin kuştin, alozî li herêmê zêde bûye, Amerîkayê jî weke bersivekê li ser egera êrîşeke asmanî ya Îranê, hêzeke leşkerî şandiye herêmê.