Navenda Nûçeyan- Parlementerê kurd û endamê firaksîyona PDKê li parlementoya Iraqê, Mihemed Şakir ji BasNewsê re got, piştî hewl û xebatek mezin ya parlementerên kurd, Wezareta Xwandina Bilind ya Iraqê rizamendî li ser wê yekê nîşan da ku dîplomayên 5 zankoyên Kurdistanê bi fermî qebûl bike.
Wî parlementerê kurd behsa wan zankoyan jî kir û ragihand, ew zankoyên Kurdistanê yên ku dîplomayên wan ji alîyê Bexdayê ve hatine qebûlkirin, ev in: Zankoya Soran, zankoya Zaxo, zankoya Helebcê, Zankoya Kurdistanê (Hewlêr) û zankoya Raperîn (Ranya).
Basnews