Navenda Nûçeyan- Biryare sibê Sêşemê Parlamentoya Kurdistanê civîneke taybet li ser êrîşên Tirkîyê yên li dijî Rojavayê Kurdistanê saz bike û di civînê de rewşa û pêşhatên herî dawî yên têkildarî êrîşa Tirkîyê bo ser wê parçeya Kurdistanê gotûbêj bike.

Li gorî daxuyanîya Serokatîya Parlamentoya Kurdistanê, roja Sêşemê di demjimêr 11ê berî nîvro de, civîna Parlamentoya Kurdistanê dest pê dike û dê nerîna fraksiyonên parlamentoyê li ser rewşa niha ya Rojavayê Kurdistanê bê gotûbêjkirin.

Di destpêka êrîşa Tirkîyê bo ser Rojavayê Kurdistanê de jî, Serokatîya Parlamentoya Kurdistanê bi daxuyanîyekê ev êrîş şermezar kiribû û ragihandibû: “Parlamento bi bîgeranîyeke zêde ve êrîşa leşkerî ya artêşa Tirkîyê bo ser çend navçeyên cuda yên Rojavayê Kurdistanê dişopîne û em daxwaz dikin ev operasyon di demeke herî zû de bên rawestandin û pirsgirêk bi rêya dîyalog û çareserîya aştiyane bêne çareserkirin.”