Navenda Nûçeyan- Niwênerê peywendîyên derve yê Parlamentoya herêma Kurdistanê Dr Rêbwar Babkeyî piştî Swêd û Norweç duho jî li Danîmarka/Kopenhaginê bû.
Duho 09.02.2020 jî HEVKARÎ ya hêzên Sîyasî yên Kurdistanî Li Danîmarka bi amadebûna Dr. Rêbwar Babkeyî niwênerê peywendîyên derva ya Parlamentoya Herêma Kurdistanê ji bo rewenda kurd li dîyaspora semînerekî li bajarê Kopenhaginê saz kir.
Dr. Rêbwar Babkeyî di axaftina xwe de da zanîn ku; Parlamentoya Herêma Kurdistanê ji bo vekirina niwênertîyê li dîyasporayê reşnivîsekî destûrî amade kirine. Lê, pêşîya ku şekle dawîyê bidinê destûrê dixwazin daxwaz û bîrûrayên rewenda kurd li dîyasporayê jî bigirin. Ji bo wî jî, gerekî li Skandînavya yê dike. Heta niha li Swêd û Norweç ji bo ragihandina projeya vî karî û wergirtina bîr û rayên rewnda kurd li van welatan çend semîneran pêkanîye û niha jî li Danîmarka ye.
Semînera li Kopenhagin ya ku ji alîyê HEVKARÎ ya hêzên sîyasî yên Kurdistanî ve hatibû amadekirin, bi axaftina Dr. Rêbwar Babkeyî, pirs û bersivan 3 demjimêr domand. Bi wêne girtin û hevnasînan seminer qedîya.
Rûpela Nû/Danîmarka