Navenda Nûçeyan - Parêzgarê Hewlêrê Firset Sofî îro di civîneka rojnamevanî de ragihand, bi liqa Hewlêrê ya yekitîya zanayên ayîna îslamî re civîyane û di civînê de biryar dane di çarçoveya pilana berhingarbûna nexweşîya Koronayê de merasimên şînê li parêzgehê bên rawestandin.
Firset Sofî her wiha got, bila merasimên şîn û fatîhê tenê li ser qebran be û li nav mizgeft û cihên giştî de hatîye qedexekirin. Ev jî bo parastina tenduristîya welatîyan e.
Parêzgarê Hewlêrê da zanîn, heta vê gavê li parêzgeha Hewlêrê ti kes bi nexweşîya Koronayê neketîye û got, çi ji destê me were emê nehêlin ew nexweşî derbasî Hewlêrê bibe.