Roja 27.05.2021ê piştî ku PAKî ji merasîma li ser mezelê Cîhgirê Serokê PAKê Feyyaz Ekmen vegerîyan, seredana mezelê Şêx Evdirehîm ê birayê Şêx Seîd ê serokê tevger, berxwedan û serîhildana neteweyî ya 1925ê kir.
Heyeta PAKê fatîheyek li ser mezelî xwendin û Şêx Evdirehîm û hevalên wî û hemû şehîdên Kurdistanê bibîranîn.
Mezelê Şêx Evdirehîm, li Deşta Perîşanê ya ku di navbera Bismil û Batmanê de ye.
Şêx Evdirehîm ji destpêkê heta dawiyê di navê serîhildanê de cih digire. Ji ber wêrekî û mêrxasiya wî bi leqabê “Şêrê Pîran ê bi Dudilî” tête zanîn. Piştî têkçûna serhildanê diçe binxetê, ango Rojavayê Kurdistanê.
Piştî ku Dewleta Tirkîyeyê dest bi Tertetele ya Dêrsimê kir, ango dest bi jenosîda li Dêrsimê kir , Şêx Evdirehîm û hevalên xwe ji bo beşdarî berxwedana gelê me yê Dêrsimê bibin, di sala 1938ê de derbasî Bakurê Kurdistanê dibin. Lê mixabin Şêx Evdirehîm û 14 hevalên xwe li nêzîkî navçeya Bismilê ya Amedê dikevin kemîna Dewleta Tirkîyeyê û têne şehîd kirin.
Buroya Çapemenî û Ragehandinê ya PAKê