Navenda Nûçeyan- Partîya Azadîya Kurdistanê (PAK) Di 33yemîn salvegera wefata rêber û kedkarê doza azadîyê Îdrîs Barzanî de peyamek weşand.
Peyama PAKê wiha ye:
“Kedkar, têkoşer, xebatkar, pêşmerge, fermandar, sîyasetmedar, dîplomat, endazyarê tifaqa netewî û rêberê doza azadîya Kurdistanê, rêvebirê PDKyê, xwedê jê razî Îdrîs Barzanî, 33 sal berê, roja 31ê Çileya Paşîn a 1987ê, ji ber nexweşîya xwe çû ber dilovanîya xwedê.
Xwedê jê razî Îdrîs Barzanî kurê Mele Mistefa Barzanîyê nemir û birayê mezin yê Birêz Serok Mesûd Barzanî, bavê Serokê Herêma Kurdistanê Birêz Nêçirvan Barzanî ye. Hemû jîyana Îdrîs Barzanî yê nemir, bi xebat û têkoşîna doza netewî û niştimanî ya gelê Kurdistanê ve hatîye hûnandin.
Di 33yemîn salvegera wefata wî de em kedkar û rêberê doza gelê Kurdistanê, welatperwerê Kurd rehmetî Îdrîs Barzanî bi giramî bibîr tînin.”
31.01.2020
Buroya Çapemenî û Ragehandinê ya PAKê