"Keça Kurd Jîna Emînî roja 13ê îlona 2022yê li Tehranê ji alîyê polîsên Dewleta Îranê ve hate desteser kirin. Polîsên Dewleta Îranê îşkenceyeke mezin li Jîna Emînî dikin û bi wî halê îşkence kirî , teslîmî malbata wê dikin. Keça Kurd roja 16.09.2022yê jîyana xwe ji dest da.
Jîna Emînî ji bajarê Saqiz a Rojhilatê Kurdistanê ye û 22 salî bû.
Navenda Hevkarîyê ya Partîyên Kurdistana Îranê , ji bo kuştina Jîna Emînî protesto bikin, bang li gelê me yê Rojhilatê Kurdistanê kirîye da ku roja 19.09.2022yê dikanên xwe bigirin û di hemû cîhên kar da greva giştî bê îlan kirin.
Em piştgirîya vê banga greva giştî ya Navenda Hevkarîyê ya Partîyên Kurdistana Îranê dikin û em Dewleta Îranê ji ber kuştina keça Kurd Jîna Emînî rûreş dikin.Em li gel xuşk û birayên xwe yên Rojhilatê Kurdistanê ne.
Ruhê Jîna Emînî şad, cîhê wê biheşt be. Em sersaxîyê ji malbata Jîna Emînî û ji gelê Kurdistanê ra dixwazin.
Em bangî hemû rêxistinên parastvanên mafê jinan, rêxistinên mafê mirovan, Netewên Yekbûyî, Yekitîya Ewropayê û hemû Kurd û Kurdistanîyên cîhanê dikin da ku kuştina keça Kurd rûreş bikin, şermezar bikin û li himberî Dewleta Îranê helwestê bigirin."
17.09.2022
Buroya Çapemenî û Ragehandinê ya PAKê"
Bixwîne: Keça Kurd Jîna Emînî piştî îşkenceya hêzên Îranê jiyana xwe ji dest da
Bixwîne: PAK: Em Dewleta Îranê ji ber kuştina keça Kurd Jîna Emînî şermezar dikin