Navenda Nûçeyan- 3yê sibatê 10 komediyenê (stand-upcomedian) Swêd ji bo alîkariya pirtûkxaneya kurdî li Stokholm bi saya artîstê kurd Ozz Nûjen li tîyatroya INTIMAN, li navenda Stokholmê de hatin ba hav. Bi mehan amadekariya galayê hate kirin û hemû bilêtên galayê jî di demek kin de hatin firotan. Ji ber kuOzz komedyenekî navdar û hezkiriyên wî gellek in û herweha hemû hevalên wî yên şevê jî navdar bûn, galayê pir bal kişand ser xwe. Ozz Nûjen û hevalên xwe kurd û swêdîyan, di şevê de anîn ba hev û bi hev re dan kenandin.
Di destpêka gala yê de Ozz, serokê pirtûkxaneya kurdî û karkerên ku li pirtûkxanê kar dikirin ji temaşevana re da nasîn û li ser dîroka pirtûkxaneyê agahdarî da temeşevanan. Dû re hemû komedyenên şevê spasiya xwe ji bo Ozz û inîsîyatîva wî kirin û kêfxweşiya xwe anîn ziman. Ozz Nûjen spasî artistên ku beşdarîya galayê bûn kir û got ”we alîkariyeke mezin gihand pirtûkxaneya kurdî”.
Hatina galayê di serîya 100 hezar kronî de bû û ew hatinî bi temamî ji pirtûkxaneya kurdî re çû.
Ciyê gotinê ye; galayek weha mezin û bi beşdariya navdarên swêdî, nekarekî hêsan e. Înîsîyatif û xebata Oz Nûjen nebûna, nedikarî ev şev çêbûna. Piştgirên PAK- Swêdê aktîf ji bo piştgiriya kitepxana kurdî dixebitin û gelek bigirseyî beşdarê şeva galayê jî bûn.
Dest xweş Ozz û Nûjen û bijî Kitêbxana Kurdî!
Roza Kurdî / RûpelaNû-Stockholm