Navenda Nûçeyan- Endamê berê yê serkirdetîya YNKê, Osman Banîmaranî, ku dibêje nehîştin ez di kongireyê de bibim endamê serkirdetîya nû ya partîyê, ji BasNewsê re got, heta niha nayê zanîn ka dê pirsgirêka serkirdeyên nerazî yên YNKê dê çawa çareser bibe.
Osman Banîmaranî her wiha got, ji ber wê jî em niha li benda civîna encumena giştî ya serkirdetîya YNKê ne da ku biryar bide.
Wî serkirdeyê berê yê YNKê anî ziman ku ew dikare bêje piştî kongireyê, enîyek nû li nav YNKê de çêbûye bi navê “enîya nerazîyan”.
Zêdebarî wê yekê ku YNKê kongireya xwe li dar xistîye lê heta niha serokê partîyê nehatîye hilbijartin!
Basnews