Navenda Nûçeyan- Îro 30.01.2020ê nûnera taybet a sekreterê giştî ya NYê li Iraqê UNAMI Jeanine Hennis-Plasschaer bi beyanameyekî de daxwaza çaksazîyên bingehîn bo pirsgirêkên Iraqê û dawî anîna tundîya dijî xwepêşanderan kir.
Jeanine Hennis-Plasschaer dibêje eger tundî li hember xwepêşander berdewam be, wê demê dawî bi pirsgirêkan nayê û qurbanîyên zêdetir dê çêbin.
Herwaha hikûmet û hêzên ewlehîyê û leşkerên Iraqê jî hişyar kir û ragehand, kuştina berdewam a ciwanên xwepêşander nayê qebûl kirin.
Jeanine Hennis-Plasschaer amaje bi wê yekê jî kir, ku bikaranîna tundîyê û çek li hember xwepêşanderên Iraqê geheştîye astekî metirsîdar û daxwaz ji hikûmeta Iraqê kir, rêz li mafên xwepêşandanên aştîyane bigre.
Nûnera taybet a sekreterê giştî yê NYê daxwaz dike çareserîyekî sîyasî bo rewşa naha ya Iraqê û bicîhanîn daxwazên xwepêşanderan re bê dîtin.
Basnews