Netewên Yekbûyî li dijî gefxwarinên Erdogan ên li ser Rojavayê Kurdistanê bersiv da û diyar kir, pêdiviya Sûriyê bi tu operasyonên leşkerî yên li ser sînorê wê tune ye.
Li gor Berdevkê Fermî yê Sekreterê Giştî yê NYê Stephane Dujarric têkildarî gefên Erdogan ên êrîşên nû li ser herêmên Sûriyê da zanîn: “Em parastina yekîtiya xaka Sûriyê dikin.”
Herwiha eşkere kir: “Pêdiviya Sûriyê bi tu êrîşên leşkerî tune ye. Pêdiviya Sûriyê bi çareseriya siyasî û gelek alîkariyên mirovî heye. Em ji bo van her du mijaran dixebitin.”
Hêjayî bibîrxistinê ye, Serokkomarê Tirkiyê Recep Teyyîp Erdogan, beriya çend rojan gefên êrîşên nû li ser herêmên Sûriyê xwaribûn.