Navenda Nûçeyan - Li gor wê planê, 30 ji sedê Kenara Rojava dê di bin kontrola Îsraîlê keve û Orşelîm jî bibe paytexta wî welatî.
Pompeo berî serdana Îsraîlê gotibû ku ewê bo danûstandinên ser ‘’vîzyona aştîyê’’ ya Trump here wir û derbarê wê planê, ku di serê salê de hatibû eşkere kirin, gotibû ku divê ew hîn li ser bixebitin.
Ew piştî bi Serokezîrê Îsraîlê Benjamin Netanyahu û şîrikê koalîsyonê Benny Gantz re kom bû da zanîn ku ‘’Amerîka ti car ewqas xurt girêdayî Îsraîlê nebûbû’’
Wî ser Îsraîlê got ku ‘’şîrikeke girîng e’’ û pesna têkoşîna wê ya dijî vîrusa korona da.
Mike Pompeo bê ku nav bide Çîn rexne kir û da zanîn ku Îsraîl ‘’mîna hin dewletan nexwestîya ku agahîyên xwe veşêre’’ û ew eşkere kirine.
Pompeo ji Adarê vir ve cara pêşî serdana derveyî welêt kir.
Netanyahu jiber serdanê spasîya Pompeo kir û bal kişand ku ew serdan tifaqa Amerîka û Îsraîlê nîşan dide.
Hêjayî bîrxistinê ye, karbidestên Filîstînî û hin sazîyên navneteweyî jî dijî Plana Rojhilata Navîn ya Trump derketibûn
Dengê Amerîka