Serokê Herêma Kurdistanê Nêçîrvan Barzanî hevsozî û hevxemiya xwe ji bo malbatên qurbaniyan û ji bo gel û hikûmeta Fransayê nîşan da.

Îro înê 30ê Cotmeha 2020an, Serokê Herêma Kurdistanê Nêçîrvan Barzanî li ser hesabê xwe yê Twitterê, êrîşa li bajarê Nice yê Fransayê şermezar kir, ku di encama wê êrîşê de hejmarek welatî bûbûn qurbanî.

Nêçîrvan Barzanî di tweeta xwe de diyar kir: “Ez wê kiryara terorîstî şermezar dikim, ku li bajarê Nice yê Fransayê hejmarek welatî kire armanc û bûn qurbanî.”

Serokê Herêma Kurdistanê sersaxiya malbata qurbaniyan xwest û got: “Ez sersaxî pêşkêşî malbat û xizmên qurbaniyan û gel û hikûmeta Fransayê dikim. Di vê dema dijwar de ez hevsoz û hevxemê wan im.”