Nêçîrvan Barzanî: "Em xelkê hedefgirtî li seranserê cîhanê ji jenosaydê biparêzin.”

Serokê Herêma Kurdistanê Nêçîrvan Barzanî di salvegera komkujkirina Cihûyan de ku wek Holokost (Holocaust) tê naskirin, ragihand: “Mixabin hêj gelek kar maye bihê kirin ji bo ku jenosayd li cîhanê dubare nebin.”

Navenda Nûçeyan- Serokê Herêma Kurdistanê, Nêçîrvan Barzanî bi boneya bîranîna qurbanîyên komkujîya Cihûyan ku li cîhanê wek Holokost tê naskirin, li ser twîttera xwe peyamek belav kir.

Nêçîrvan Barzanî di vê peyamê de dibêje: “Roja bîranîna Holokostê vê yekê tîne bîra mirov ku mirovatîyê ji bo rawestandina jenosaydê û hizirkirina ji qurbanîyên wê gelek kar kirîye”, û tekez dike: “Lê mixabin rêyeke dûr û dirêj li pêşîya me ye, daku em xelkê hedefgirtî li seranserê cîhanê ji jenosaydê biparêzin.”

Serokê Herêma Kurdistanê herwiha dîyar kirîye: “Divê em bêjin nabe ti caran ew yek dubare bibe, ew jî bi sîyaset û mekanîzmeke guncaw tê kirin.”

Îro Duşemê 27ê Çile salroja bîranîna qurbanîyên komkujkirina Cihûyan e, ku di şerê cîhanî yê duyem de û di navbera salên 1941 heta 1945an de ji alîyê rejîma Nazî ya Almanyayê ve nêzîkî 6 milyon Cihû hatin komkujkirin.

 

 

Siyaset Haberleri

Sûriyeyê bangî Tirkiyeyê kir: Piştgiriyê nede terorîzmê
RAPOR: Sûriye yek ji 10 welatên herî birçî yên cîhanê ye
Kurd-Kavî ra serrgêra 1938î de Dêrsim de panel
Îsraîlê êrişî Îranê kir
Helîkoptera leşkerî ket û serokerkanê welat jiyana xwe ji dest da