Navenda Nûçeyan - Parlementera Kurdistanê û sekretera parlementoyê, Muna Qehweçî ji BasNewsê re got, divê ew wezîrên kurd yên kabîneya nû ya hikûmeta Iraqê ji alîyê dezgehên fermî yên Herêma Kurdistanê ve bên destnîşankirin. Nabe bêyî rizamendîya serkirdetîya Kurdistanê, nûner û wezîrên kurd bên destnîşankirin.
Muna Qehweçî her wiha got, divê serokwezîrê nû yê Iraqê Mihemed Tofîq Ellawî girêdayî Destûrê be û mafên Destûrî yên Herêma Kurdistanê jî biparêze.
Sekretera parlementoya Kurdistanê da zanîn, danûstandin di navbera Hewlêr û Bexdayê de li ser vê mijarê hene û wezîrên kurd dê bi rêka lihevkirinê bên destnîşankirin.
Serokwezîrê nû yê Iraqê Mihemed Ellawî dibêje, nabe ti partî û alîyekî sîyasî di destnîşankirina wezîran de destwerdanê bike û nabe ti wezîrek alîgir yan jî endamê/a partîyên sîyasî be.