Annegret Kramp-Karrenbauer, Wezîra Berevanîyê ya Almanyayê îro çarşemê di civîneke wezîrên berevanîyê yên Yekîtîya Ewropayê de li Berlînê, li ser asta serkeftina danûstandina navbera Tirkîye û Yewnanistanê bersiva pirsa Josep Borrell, Rêkxerê Sîyaseta Derve yê Yekîtîya Ewropayê da, lê wisa xuya ye Wezîra Almanî nizanibû mîkrofona wê vekirî maye.
Di encama vê xeletîyê de, Annegret Kramp-Karrenbauer li hember hemû rojnamevanan axivî û got: “Helwest dijwar e, alîyê Yewnanistanê hinek nermtir e, lê alîyê Tirkîyê gelek tund e.”
Josep Borrell jî dibêje: “Tirk gelek bi hêrs in û wisa hîs dikin ku pişta xwe bi Yewnanistanê girê nedin.”
Piştî ku Enqere keştîya pîvanê ya bi navê Oruç Reis şande rojhilatê Deryaya Spî bo lêgerîna çavkanîyên sirûştî, alozîya navbera Yewnanistan û Tirkîyê zêde bû û Atîna ev pêngava Enqerê, weke neyasayî bi nav kir.
K24