Sekreterê Hizba Sosyalîsta Demokrat a Kurdistanê ragehnd, ku li Iraqê dadgeheke Federalî tineye, belku dadgeheke hizbiye û biryarên wê siyasî û hizbîne.
Serokê Partiya Sosyal Deemoktata Kurdistanê Mihemed Hacî Mehmûd ji BasNewsê re ragehand: ‘’ Me di mêjde behsa wê kiriye ku dadgeha Federal, dadgeheke hizbî û Erebiye û ne tu tiştek din nine. Diviya dema biryara hilweşandina Parlamentoya Kurdistan de, dadwer û Wezîr û parlamenterên kurd vekişiyana û naha jî dereng nebûye û ew dadwerê kurd yê ku vekişiyaye a ku li ser dadgehê dizane, li dadgeheke navdewletî de dosyayê tomar bike, ta ku bên û dûvdeçûnê li ser biryar û desthilatiya wê bikin.
Herwaha got, ‘’ Ew dadgeh roj bo rojê biryarên nerewa li dijî gelê me derdixe, dadgeheke hizbiye û ji Sedir, Malikî, Emarî, Fazîlle, Yekitî û dadwerekî Partî pêk hatibû, naha Partî jê vekişiyaye û dadgeh bê alî nine û Hizbiye.’’
Mihemed Hacî Mehmûd dibêje: ‘’ Çendên Encûmenên şûra û dadgehên kurd hene, dikare bi yasa bersiva biryara neyasayî û nedestûriyên dadgeha binav Federal bide yan jî bi rêya dedgehên Navddewletî hewla xwe bide. Nabe ku em tenê birunin û temaşeyî dadgeha binav Federal û Iraqê bikin, ta ku bi rêya yasa me bifetisînin û gelê me daqurtînin.’’
Serokê Partiya Sosyalîsta Demokrata Kurdistanê herwaha got. ‘’ Min çêvpêkeftinên birêz Mersûr dît baş bû û tiştên nû têda habûn, pêwîste em wan tiştê ku gotiye bixine çarçeveya wan yasayên ku li Herêmê hene û cêbicî bikin, Ji ber ku behsa binpêkirinên li dijî Kurdan û nerazîbûnên wan kir.”