Dr. Şêx Murşid Xeznewî bi Fermandarê Giştî yê Hêzên Sûriyeya Demokratîk (HSD) General Mezlûm Ebdî re civiya.
Di civînê de Xeznewî piştgiriya xwe ya ji bo HSDyê dûbare kir û her du aliyan bo paşeroja Sûriyeyê tekezî li ser girîngiya diyalogê kir.
Dr. Şêx Murşid Xeznewî derbarê hevdîtinê li ser hesabê xwe yê Xê de postek belav kir û ragihand ku wî piştgiriya xwe ya tevahî ji bo HSDyê careke din dubare kiriye.
Alimê Kurd da zanîn ku di hevdîtinê de her du aliyan tekezî li ser wê yekê kiriye ku "diyaloga xelkê Sûriyeyê" rêya tekane ya ji bo gihîştina aramiyê ye.
Her wiha, di civînê de li ser girîngiya aktîvkirina "Komîteya Diyaloga Kurdî" jî nîqaş hatiye kirin.