Serokwezîrê Herêma Kurdistanê Mesrûr Barzanî di hevpeyîneke ligel medyakarên ereb û Iraqê de aşkere kir Herêma Kurdistanê ne bûdçeya ji %17 belkî ji %5 jî wernegirtîye. Lêbelê dîsan jî Herêma Kurdistanê debara xwe kirîye. Pêwîste divê bê pirsîn Iraqê çi li bûdçeya %95 kirîye.
Serokwezîr Mesrûr Barzanî rexne li hikûmetên Iraqê girt û da zanîn Herêma Kurdistanê ji %17 bûdçeya Iraqê wernegirtîye û bi awayekî neyasayî ji %12 bûdçeya Herêma Kurdistanê hatîye kêmkirin û ji %5 bûtçe bo Herêma Kurdistanê hatîye şandin.
Herwiha Serokwezîr Mesrûr Barzanî destnîşan dike û dibêje divê ji hikûmetên Iraqê bêpirsîn bê çi li bûdçeya %95 hatîye kirin?,
Barzanî destnîşan kir ku hikûmetên Iraqê xelkê Kurdistanê yê li ber êrîş û zulma rejima Seddam ketine qerebû nekirîye û di warê penebarên li Herêma Kurdistanê jî de ji Kurdistanê re nebûye alîkar.
Serokwezîr Barzanî di beşeke din a axaftina xwe de behsa êrîşên sala 2014an ê DAIŞê jî dike û dibêje ew dema DAIŞ nêzîî sînorê Bexdayê bû Pêşmergeyên Herêma Kurdistanê ew bawerî û efsaneya terorîstên DAIŞê li sengerên şer dişkenand û ev jî bû sedem ko hêzên Iraqê xwe amade bikin û dest bi êrîşên li dijî DAIŞê bikin.
Barzanî herwiha dibêje di şerê li dijî DAIŞê û nehiştina DAIŞê li Herêma Kurdistanê hikûmerên Iraqê alîkarî nedane hêzên Pêşmerge û Herêma Kurdistanê.
Basnews