Kandîdê PDKê bo pêkanîna hikûmeta Kurdistanê Mesrûr Barzanî bi fermî bû kandîdê serokatiya hikûmetê.
Qasekî beriya niha parlementoya Kurdistanê bi piraniya dengan (bi 87 dengan ji 97 dengan) kandîdê PDKê Mesrûr Barzanî wek kandîdê serokatiya hikûmeta Kurdistanê namzed kir.
Seroka parlementoya Kurdistanê Vala Ferîd ragihand, dê îro bi fermî navê Mesrûr Barzanî wek kandîdê serokatiya hikûmetê pêşkêşî Serokê Herêma Kurdistanê Nêçîrvan Barzanî bikin.
Tê pêşbînîkirin ku di heyama herî dereng du rojan de Serokê Herêma Kurdistanê Nêçîrvan Barzanî jî bi fermandekî Mesrûr Barzanî bo pêkanîna kabîneya nû ya hikûmetê erkdar bike.