Mamoste Ayşe Çelîk ku di dema şerê bajaran da bi girêdana telefonê beşdarî bernameya zindî ya Beyaz Showê bûbû û gotibû 'Bila zarok nemirin' dihat darizandin.
Piştî pêvajoya darizandinê bo Mamoste Ayşe Çelîkê, salek û 3 meh ceza hatibû sepandin lê 2 caran cezaya Çelîkê, hat taloxkirin.
Piştî ku maweya taloxkirina cezayê qedîya, Çelîk çû Dadgeha Amedê û li Dadgehê hat girtin. Keça xwe ya 1.5 salî Deranê jî emanetî dîya xwe kir.
Mamoste Ayşeyê got: "Pirî xemgîn im nikarim bînim zimên. Keça min nexweş e û rewşa girtîgehê lê nayê, lewma min ew emanetî dîya xwe kir."
Mamoste Ayşeyê herwiha anî zimên ku bawerîya wê bi dadê hêj heye û hêvî dike ku vê bêhiqûqîyê ji holê rakin. Ne bawer im ku dayîkekê ji keça xwe ya yek û nîv salî veqetînin.
Çelîkê bo Dadgeha Bilind serî lêdabû lê serlêdana wê nehatibû qebûlkirin.