Dayik û bavê Osman Ozçalimli yê li Girtîgeha Sergirtî ya Alîaga ya Îzmîrê eskertî dikir û bi awayekê jîyana xwe ji dest dayî hat dîtin, derbarê berpirsîyaran de gilî kirin.
Bavê û dayika Osman Ozçalimli yê li Girtîgeha Sergirtî ya Alîaga ya Îzmîrê eskertî dikir û piştî ragihand ku gef lê tên xwarin bi awayekê guman jîyana xwe ji dest dayî hat dîtin Nacîye û Ahmet Ozçalimli bi parêzerên xwe Fettah Çapkurt û Kahrman Ozçagin re çûn Edlîya Qersê û derbarê berpirsîyaran de, gilî kirin.
Parêzer Kahraman Ozçagin, di derketina edlîyê de daxuyanî da û wiha got: “Eskerê 5 rojan, ligel ku li bavê xwe digere û bavê wî rayedaran agahdar dike jî, bi tu awayî bergirî nayin girtin û hîna jî derbarê mirina wî de tu daxuyanîyek fermî neyatîye dayîn. Ev jî bûye sedama guman û fikarên mezin. Hîna jî hin dibêjin ketîye û hin dibêjin krîza dil derbas kirîye. Lê kes jî derbarê saet û awayê mirina wî de daxuyanîyekê fermî nade. Em ê dosyeya lêpirsînê lêkolîn bikin. Bawerîya me bi edaletê tê. Ji bo ku rastî derbikeve holê çi ji destê me bê emê bikin.”
1ê Tebaxa 2020an Osman Ozçalimli piştî li leşkerîyê mirî hate ditîn, agahîyên çewt û nakok gihiştin malbata wî. Ev agahîyên çewt û nakok kuştina Ozçalimli xurttir dike.