Li navçeya Xelfetiyê ya Rihaya Bakurê Kurdistanê 8 kesên din hatin desteserkirin û hejmara desteserkiriyan gihişt 16an.
Wezareta Karên Navxwe ya Tirkiyeyê 4ê Çiriya Paşîn bi daxuyaniyeke nivîskî da zanîn ku wan qeyûm daniye ser şaredariyên parêzgehên Mêrdîn û Êlihê û navçeya Xelfetiyê ya Rihayê.
Gelê Bakurê Kurdistanê li gelek bajar û navçeyan protestoyan li dar dixe û vê biryarê şermezar dike.
Polîs jî li gelek deveran êrişî xelkê dikin û gelek kesan bi lêdanê desteser dikin.
Li Xelfetiyê jî gelek protesto hene û doh 8 kes hatibûn desteserkirin.
Li Xelfetiyê îro jî 8 kes bi hinceta ku beşdarî protestoyan bûne hatin destserkirin.
Kar û barên wan 16 kesan ên li Gerînendehiya Ewlehiyê berdewam dikin.